Şanda Berê Kurdistana Sûriyê îro ji aliyê Partiya Çep a Kurd ve li bargeha wê li Qamişlo hat pêşwazîkirin. Şanda Berê ji her yek ji serokê Berê Ebdilrehman Hebeş, Ebdilxenî Eco û Mihemed Sedîq pêkhatibû. Ji aliyê Partiya çep ve jî serokê partiyê Mihemedê Mûsê û endamine serkirdatiyê pêk hatibû.
Di hevdîtinê de behsa çawaniya xortkirina hevkarî û lihevkirina di navbera partiyên kurd de hate kirin, herwiha li ser lihevkirina li ser nerîneke siyasî ya yekgirtî û pêkanîna şandeke hevbeş ku nûnertiya daxwazên gelê Kurd li Sûriyê bike piştî ketina rejîmê, tekez kirin.
Herdu aliyan tekez kirin, ku ev qunax derfetek e dîrokî ye ji bo bidestxistina mafên gelê kurd.
Ofîsa Ragihandinê ya Berê Kurdistana Sûriyê
22.01.2025